Que queres meniño pequeno?
Dime por qué choras?
Eu quero aquel xoguete
e que mo traian agora
Que queres nena bonita?
que é o que máis che apetece?
Eu quero esa boneca
esa tan bonita. Non che parece?
Que queres rapaz intelixente?
con só trece anos?
Eu quero aprobar o exame
sen estudar, xa me entendes.
Que queres rapaza presumida?
que é o que che gusta tanto?
Eu quero aquel mozo de alá
eu quero que me faga caso.
Que queres mozo preguiceiro,
que estas na universidade?
Eu quero unha festa
con centos de amizades.
Que queres ti moza,
coa carreira rematada?
Eu quero un traballo
de mestra ben pagado.
Que queres ti bo home
agora que tes traballo?
Eu quero vacacións e ver
O mundo sen estar asoballado.
Que queres ti boa muller,
agora con trinta e poucos anos?
Eu quero saúde e
un balneario privado.
E vostede que quere señor?
Que xa está na crise dos cincuenta?
Eu quero unha moto, ter
pelo e facer moitas ventas.
Que quere vostede señora?
aos seus setenta anos?
Eu só quero meniña, a familia
que é o mellor agasallo.